Qo‘qon shahar hokimi sanoat bozorlarida olib borilayotgan qurilish-ta’mirlash ishlari bilan tanishib, mutasaddilarga ustuvor vazifalarni belgilab berdi
2026-07-17 10:10:00 / Yangiliklar
Xususan, tadbirkorlar, pudratchilar va mas’ul tashkilotlar vakillari ishtirokida o‘tkazilgan muloqot davomida sanoat bozorlaridagi bino va inshootlarni tasdiqlangan loyiha yechimlari asosida yagona me’moriy qiyofaga keltirish, qurilish-ta’mirlash ishlarini sifatli amalga oshirish yuzasidan topshiriqlar berildi.
Shuningdek, obodonlashtirish, muhandislik-kommunikatsiya tarmoqlarini tartibga keltirish, piyodalar uchun qulay sharoitlar yaratish hamda bozorlarning zamonaviy va estetik ko‘rinishini ta’minlash bo‘yicha mas’ullarga tegishli vazifalar yuklatildi.
Ta’kidlanganidek, amalga oshirilayotgan ushbu ishlar tadbirkorlik faoliyatini yanada rivojlantirish, xaridorlar uchun qulay va xavfsiz muhit yaratish hamda Qo‘qon shahrining zamonaviy qiyofasini shakllantirishga xizmat qiladi.