Qo‘qon shahridagi tarixiy maskanlarni UNESCO Jahon madaniy merosi ro‘yxatiga kiritish masalalari muhokama etildi
2026-07-03 12:25:00 / Yangiliklar
Qo‘qon shahar hokimi va UNESCO bilan hamkorlikda faoliyat olib borayotgan auditorlik kompaniyasi hamda Fransiyaning arxitektura va dizayn sohasidagi yetakchi institutlari vakillari ishtirokida bo‘lib o‘tgan muloqot chog‘ida Qo‘qon shahrini, qadimgi mahallalar va ko‘chalar, Qo‘qonsoyning qadimgi arxitekturaviy qiyofasini tiklash hamda Qo‘qon shahrini UNESCO Jahon madaniy merosi ro‘yxatiga kiritish masalalari muhokama etildi.
Prezidentimizning Qo‘qon shahriga qilgan tashriflari doirasida berilgan topshiriqlar ijrosi bo‘yicha olib borilgan muzokaralar natijasiga ko‘ra UNESCO mutasaddilari 15 kun davomida Qo‘qon shahrida o‘rganishlar olib bordilar. Endilikda Qo‘qon shahrining qadimgi qiyofasini tiklash bo‘yicha master-plan ishlab chiqilishi rejalashtirilmoqda.
Muzokaralar natijasiga ko‘ra hamkorlik aloqalarini davom ettirish va sentyabr oyida Qo‘qon shahrining qadimgi qiyofasini tiklash bo‘yicha tayyor master-plan ustida muzokaralarni davom ettirishga kelishib olindi.