Qo‘qon shahar hokimi Amir Temur ko‘chasida renovatsiya dasturiga kiritilgan ko‘p qavatli uylarda istiqomat qilayotgan fuqarolar bilan muloqot qildi
2026-07-01 13:25:00 / Yangiliklar
Renovatsiya — shaharsozlik hujjatlari va renovatsiya loyihasi asosida hududni me’moriy, ijtimoiy, iqtisodiy va ekologik jihatdan yaxshilashga qaratilgan chora-tadbirlar majmuidir.
Renovatsiya dasturi yashash yoki foydalanish uchun yaroqsiz bo‘lgan, avariya holatidagi uy-joy fondini yangilashga xizmat qiladi.
Renovatsiyaning asosiy maqsadi uy-joy sharoitini yaxshilash, muhandislik-kommunikatsiya tarmoqlari va ijtimoiy infratuzilmani zamonaviy talablarga moslashtirish hisoblanadi.
Qurilish kompaniyasi vakillari ishtirokida bo‘lib o‘tgan muloqot chog‘ida uy-joy egalarining takliflari o‘rganilib, bildirilgan savollariga javob berildi.
Boshlanayotgan ishlarga baraka tilab, Qur’on tilovat qilinib, qurbonlik qilindi. Duolarda o‘tganlar xotirasi yod etilib, tinch-osoyishta hayotimiz uchun shukronalik bildirildi.