Qo‘qon shahrida Prezident topshiriqlari ijrosini ta’minlash choralari ko‘rilmoqda
2026-06-27 13:05:00 / Yangiliklar
Xususan, Qo‘qon shahrida faoliyat olib borayotgan respublika ishchi guruhi mutasaddilari va kun tartibidagi masalalarga aloqador mas’ullar ishtirokida bo‘lib o‘tgan muloqot chog‘ida yashirin iqtisodiyotga barham berish, soha va iqtisodiyot tarmoqlarini raqamlashtirish, xavfsiz shahar konsepsiyasini amaliyotga joriy etish, sanoat bozorlarini tartibga keltirish borasida amalga oshirilayotgan ishlar tahlil etildi.
Muloqot chog‘ida mutasaddi rahbarlarning shu kunga qadar bajarilgan ishlar yuzasidan hisobotlari tinglanib, yangi loyihalar taqdimoti o‘tkazildi.
Mas’ullarga Qo‘qon shahridagi mahallalarni son jihatidan optimallashtirish, davlat boshqaruvi va sohalarda raqamli texnologiyalarni joriy etishni jadallashtirish, jinoyatchilik va huquqbuzarliklarning oldini olishga qaratilgan profilaktik tadbirlar qamrovini kengaytirish, hududlarni obodonlashtirish va ko‘kalamzorlashtirish bo‘yicha vazifalar belgilab berildi.