Qo‘qon shahrida “Iqtidor Maktab ansambli” ko‘rik tanlovining shahar bosqichi o‘tkazildi
2026-04-23 10:05:00 / Yangiliklar
Yoshlar kuni tadbirlari doirasida 7-musiqa va san’at maktabida o‘tkazilgan tantanali marosimda Qo‘qon shahar hokimi Marufjon Usmonov ham ishtirok etdi.
Prezidentimiz tashabbusi bilan olg‘a surilgan Beshta muhim tashabbus doirasida yoshlarni musiqa va san’atga bo‘lgan ishtiyoqini oshirish hamda iqtidorli yoshlarni aniqlash maqsadida o‘tkazilgan tanlovda joriy yilda shahrimizdagi 30 maktablarning jamoalari ishtirok etdilar. Jamoalarning chiqishlari hay’at a’zolari tomonidan baholab borildi.
Ko‘rik tanlovda yuksak natijalarga erishgan jamoalarga Qo‘qon shahar hokimi Diplom, Sertifikatlar va esdalik sovg‘alarini tantanali ravishda topshirdi. Mutlaq g‘oliblikni qo‘lga kiritgan 7-davlat umumiy o‘rta ta’lim maktabi viloyat bosqichiga yo‘llanma oldi. Eslatib o‘tamiz Respublika bosqichida g‘olib bo‘ladigan jamoani xorijiy mamlakatlarga sayohat yo‘llanmasi kutmoqda.