Qo‘qonda “Fuqarolar tashabbusi jamg‘armasi” doirasida 17 ta yirik loyiha amalga oshiriladi
2026-04-01 05:25:00 / Yangiliklar
Qo‘qon shahrida 2026-yil 1-mavsum doirasida aholi tashabbuslari asosida ilgari surilgan va g‘olib deb topilgan loyihalarni moliyalashtirish ishlari boshlandi. Mazkur loyihalar “Fuqarolar tashabbusi jamg‘armasi” hisobidan amalga oshirilishi belgilangan.
Manzilli ro‘yxatga ko‘ra, shahar bo‘ylab jami 17 ta muhim ijtimoiy va infratuzilmaviy loyiha amalga oshiriladi. Ularning asosiy qismi qurilish-ta’mirlash va jihozlash ishlarini o‘z ichiga oladi.
Mazkur loyihalarning umumiy qiymati bir necha o‘n milliard so‘mni tashkil etib, ular shahar aholisi uchun qulayliklar yaratish, ijtimoiy xizmatlar sifatini oshirish va infratuzilmani yaxshilashga xizmat qiladi.
Qo‘qon shahar hokimligi tomonidan loyihalar ijrosi nazoratga olingan bo‘lib, belgilangan muddatlarda sifatli amalga oshirilishi ta’minlanadi.
#IslohotlarAmalda #OpenByudjet #Qurilish #Tamirlash