Qo‘qon shahrida mahalla tizimi xodimlari kuni katta tantanalar bilan nishonlandi
2026-03-22 12:15:00 / Yangiliklar
Tantanali marosimda mamlakatimizda davlatimiz rahbarining tashabbuslari bilan amalga oshirilayotgan islohotlar samarasi o‘laroq mahalla tizimida ro‘y bergan ulkan yangilanishlar e’tirof etildi.
Tadbirda Qo‘qon shahar hokimining shahrimizda mahalla institutini rivojlantirishga qo‘shgan hissasi e’tirof etilib, O‘zbekiston mahallalar uyushmasi Farg‘ona viloyati boshqarmasining Tashakkurnomasi bilan taqdirlandi. Tantanali marosimda xalqimizga fidokorona xizmat ko‘rsatayotgan mahalla tizimi mutasaddilari ham e’tirof etilib, turli darajadagi mukofotlar, esdalik sovg‘alari va Tashakkurnomalar bilan taqdirlandilar.
El suygan san’atkorlar ishtirokida namoyish etilgan konsert dasturi bayram tadbiriga tashrif buyurgan mehmonlarni xushnud etib, ko‘tarinki kayfiyat baxshida etdi.