“Ayol farovonligi-taraqqiyot va barqarorlikning poydevoridir” loyihasi amalda
2026-01-16 09:30:00 / Yangiliklar
Birinchi bosqichda Xatirchi tumani Oila va xotin qizlar bo‘limi, tuman Kambag‘allikni qisqartirish va bandlikka ko‘maklashish bo‘lim, Mahallalar uyushmasi tuman bo‘limlari bilan hamkorlik memorandumlari tuzilib, loyiha tomonidan mahallalarda tashkil etilgan “Kashtachilik markazi” o‘quv xonalari jihozlandi.
“Langar” mahallasidan 18 nafar, “Oqtepa” mahallasidan 17 nafar jami 37 nafar ishsiz xotin-qizlarni o‘qitish, bandligini ta’minlash maqsadida xomashyolar olib berildi. “Munira New Brand” MCHJ hamda loyiha trenerlari tomonidan 60 soatlik “Kashtachilik” o‘quv dasturi tayyorlanib, dastur asosida bepul dars mashg‘ulotlari o‘tkazilmoqda.
Loyiha natijadorligini ta’minlash, samaradorlika erishish va loyiha yakunlangach, "Langar" va "Oqtepa" mahallalari kashtachilikka ixtisoslashgan mahalla drayveri bo‘lishini ta’minlash uchun o‘qitilgan 37 nafar xotin-qizlar "Ustoz-shogird" asosida har birlariga 3-5 nafargacha uy bekalari, yoshlarni biriktirish orqali 120 nafardan ortiq xotin-qizlar kashtachilikka o‘qitilib iqtisodiy ahvolini yaxshilishga ko‘maklashiladi.
Uyimiz yonida mahalla ichida tashkil etilgan bu joy biz qishloq ayollari uchun qulay sharoit bo‘ldi deydi- “Oqtepa” mahallasi fuqarosi Gulchehra Muminova - ancha vaqtlardan buyon kashtachilik faoliyatiga qiziqib kelardim, lekin o‘rganish imkoniyatim yo‘q edi. Bizlarga yaratilgan bu kashtachilik markazida endi bepul o‘rganib, berilgan xomashyolar orqali daromad ko‘rishimiz ham mumkin bo‘ldi.