AQShda Prezident Mirziyoyevning amaliy tashrifi doirasida Investitsiyalar, sanoat va savdo vaziri EXIM Bank prezidenti bilan uchrashdi
2025-09-24 21:25:00 / Yangiliklar
AQShga O‘zbekiston Respublikasi Prezidenti Sh.M. Mirziyoyevning amaliy tashrifi doirasida Investitsiyalar, sanoat va savdo vaziri Laziz Kudratov AQSh Eksport-import banki (Export-Import Bank of the United States) Prezidenti va Boshqaruv raisi Jon Yovanovich bilan uchrashdi.
Muzokaralarda moliya, texnologiyalar, infratuzilmani modernizatsiya qilish va aviatsiya sohalaridagi loyihalar ijrosi muhokama qilindi.
Katta e’tibor kritik mineral resurslar (CRM), qo‘shimcha qiymat zanjirlarini yaratish va energetik xavfsizlikni mustahkamlash bo‘yicha hamkorlikka qaratildi. Xususan, EXIM Bank ko‘magida gaz infratuzilmasini rivojlantirish loyihalarining ahamiyati alohida ta’kidlandi.
Tomonlar uzoq muddatli hamkorlikni yanada chuqurlashtirish, investitsiyalar va savdoni kengaytirish, innovatsiyalarni joriy etishga tayyor ekanliklarini tasdiqladilar. Shu nuqtai nazardan, mamlakat YaIMini 200 mlrd dollarga yetkazishni va O‘zbekistonni ishonchli hamkor sifatida mustahkamlashni ko‘zda tutgan “O‘zbekiston–2030” strategiyasi AQSh bilan hamkorlikni barqaror o‘sish va innovatsion rivojlanishning muhim omili sifatida belgilaydi.