Ekofaol xodim
Dekabr oyida ekologik madaniyatni oshirishga qaratilgan ishlar izchil davom ettirildi. Vazirlikda “Atrof-muhitni muhofaza qilish — bizning umumiy mas’uliyatimiz” shiori ostida navbatdagi obodonlashtirish va ko‘kalamzorlashtirish aksiyalari o‘tkazildi. Xodimlar yashil hududlarni parvarishlash, ish binolari atrofini chiroyli va qulay muhitga aylantirishda faol ishtirok etdilar.
Bu jarayonda ayniqsa, Inson resurslarini rivojlantirish boshqarmasi xodimi Xamidullayeva Nargiza o‘zining tashabbuskorligi bilan alohida ajralib turdi. U nafaqat aksiyalarda muntazam qatnashib kelmoqda, balki o‘z ish stolini turli gullar va xonaki o‘simliklar bilan bezab, uni haqiqiy “yashil burchak”ka aylantirdi. Nargizaning mehnatsevarligi va ekologik e’tibori nafaqat ish joyini yanada yoqimli qilmoqda, balki jamoadoshlar uchun ham ilhom manbai bo‘lib xizmat qilmoqda.
Dekabr oyining yakunlariga ko‘ra, Xamidullayeva Nargiza “Oy eko-faol xodimi” deb e’tirof etildi.
“Sog‘lom muhit — sog‘lom fikr demakdir. Yashil makonni birgalikda kengaytiraylik!”
Sentyabr oyida ekologik madaniyatni oshirish konsepsiyasini amalga oshirish bo‘yicha ishlar davom ettirildi: Vazirlikda "Atrof-muhitni muhofaza qilish — bizning umumiy mas’uliyatimiz" shiori ostida yana obodonlashtirish va ko‘kalamzorlashtirish aksiyasi o‘tkazildi. Hodimlar yashil hududlarga g‘amxo‘rlik qilish, binolar atrofini bezatish va yanada qulay, ekologik muhit yaratishda faol ishtirok etdilar.
Ushbu tadbirda ayniqsa, Inson resurslarini rijolantirish va boshqarmasi xodimi Shamsiyeva Shohida alohida tashabbus ko‘rsatdi. U nafaqat tadbirda faol qatnashdi, balki ish o‘rnini muntazam ravishda obodonlashtirib, uni turli gullarga boy bo‘lgan “yashil burchak”ga aylantirib kelmoqda. Uning shaxsiy namunasi ekologiyaga va ish muhitiga e’tiborli bo‘lishda boshqa xodimlarga ham ilhom manbai bo‘ldi.
Sentyabr oyining yakunlariga ko‘ra, Shamsiyeva Shohida "Oy eko-faol xodimi" deb e’tirof etildi.
"Sog‘lom jamiyat — sog‘lom tabiat bilan boshlanadi. Yashil hayotni birgalikda yarataylik!"
“2030-yilgacha bo‘lgan davrda aholining ekologik madaniyatini yuksaltirish konsepsiyasini tasdiqlash to‘g‘risida”gi Prezident qarori (PQ-184-son, 15.05.2025 y.) qabul qilindi.
Mazkur qarorda belgilangan vazifalar ijrosi yuzasidan ISSVda "Atrof-muhit himoyasiga barchamiz mas‘ulmiz" shiori ostida Vazirlik hududidagi daraxtlar va gullarni parvarishlash, ko‘kalamzorlashtirish tadbirlari o‘tkazildi.
Vazirlikning ishlar boshqarmasi mas‘ul xodimi Abzalov Mahmudjon ham atrof-muhitni muhofaza qilish va daraxt ekish tashabbusi bilan faol ishtirok etib barcha vazirlik xodimlariga ayniqsa yoshlarga namuna bo‘ldi.
Shuningdek, aksiya yakunida Vazirlikning mas‘ul xodimi Abzalov Mahmudjon avgust oyidagi "Ekofaol xodim" deya e‘tirof etildi.
“Yashil makon” - vijdonimiz, boʻlajak hayotimiz, farzandlarimiz oldidagi masʼuliyatimiz. Atrof-muhit va inson salomatligini himoya qilish, mehnat xavfsizligini ta'minlash davlat va jamiyat oldidagi muhim vazifadir.