O‘zbekiston Respublikasi Investitsiyalar, sanoat va savdo vazirligi

O‘zbekiston Respublikasi Prezidentining 2025-yil 25-iyul kuni qabul qilingan PF–117-son Farmoni ijrosi doirasida vazirlik tomonidan amalga oshirilgan ishlar

  (2026-yil 4-sentabr holatiga)

O‘zbekiston Respublikasi Prezidentining 2025-yil 25-iyuldagi PF–117-son Farmoniga muvofiq vazirlik tomonidan bir qator ishlar amalga oshirildi.
Jumladan:
– mazkur Farmon talablaridan kelib chiqib, ijro intizomiga mas’ul boshqarma vazirlikning 48-I-son ichki buyrug‘iga asosan bevosita vazir bo‘ysunuviga o‘tkazildi;
– Farmon doirasida vazirlikka kelib tushgan topshiriqlar bo‘yicha tegishli xatlov ishlari amalga oshirildi. PF–117-son Farmon bilan tasdiqlangan Nizomning 7-bandiga muvofiq, bir xil turdagi va takrorlanuvchi topshiriqlarni nazoratdan chiqarish bo‘yicha tegishli choralar ko‘rildi. Bu, o‘z navbatida, topshiriqlarning sifatli va o‘z vaqtida bajarilishini ta’minlashga xizmat qilmoqda;
– bundan tashqari, Nizomning 9-bandiga muvofiq, o‘tkazilgan xatlov natijalari asosida 179 tadan ortiq topshiriqni asoslantirilgan holda nazoratdan chiqarishga erishildi;
– 2025-yil yanvar oyidan 2026-yil avgust oyiga qadar vazirlikka Davlatimiz rahbari tomonidan jami 4 200 ta topshiriq kelib tushgan bo‘lib, vazirlik asosiy ijrochi etib belgilangan topshiriqlarning ijrosi avgust oyi yakunlari bo‘yicha 100 foizga ta’minlandi.