O‘zbekiston Respublikasi Investitsiyalar, sanoat va savdo vazirligi (ISSV) investitsiyalarni jalb etish uchun qulay muhit yaratish, investitsiya siyosatini rivojlantirish, investitsiya loyihalarini qo‘llab-quvvatlash hamda xorijiy va mahalliy investorlar bilan hamkorlikni yo‘lga qo‘yish bo‘yicha kompleks ishlarni amalga oshirmoqda. Shuningdek, vazirlik iqtisodiyotning asosiy tarmoqlarida investorlar uchun imkoniyatlarni tahlil qilish, ularni qo‘llab-quvvatlash va axborot bilan ta’minlash orqali mamlakatning investitsion salohiyatini xalqaro maydonlarda faol targ‘ib etmoqda.

O‘zbekiston iqtisodiyotiga yo‘naltirilgan investitsiyalarning hajmi va dinamikasi bo‘yicha batafsil rasmiy ma’lumotlar bilan O‘zbekiston Respublikasi Statistika qo‘mitasining portalida tanishish mumkin.

Huquqiy bazani to‘liq o‘rganish va amaliy faoliyatda qo‘llash uchun O‘zbekiston Respublikasining milliy huquqiy axborot tizimi Lex.uz portalidan tegishli bo‘limlarga murojaat qilish muhim ahamiyatga ega. Ushbu portalda asosiy sohalar bo‘yicha amaldagi qonunlar, huquqiy aktlar va izohli materiallar to‘plangan bo‘lib, ular investorlar va tadbirkorlar uchun huquqiy me’yorlarni aniqlash, moliyaviy faoliyatni rejalashtirish va xalqaro hamkorlikni yo‘lga qo‘yishda zaruriy manba hisoblanadi. Bu bo‘limlar orqali banklar faoliyati, kredit munosabatlari, investitsiyalar, tashqi iqtisodiy faoliyatni tartibga soluvchi huquqiy hujjatlar bilan tanishish mumkin.