O‘zbekistonda chet el tijorat tashkilotlari vakolatxonalari akkreditatsiyasi bo‘yicha davlat boji miqdori aniqlandi
2025-03-03 17:00:00 / Yangiliklar
O‘zbekiston Respublikasining 2025-yil 20-fevraldagi O‘RQ-1032 qonuni bilan “Davlat boji to‘g‘risida”gi O‘zbekiston Respublikasi Qonuniga o‘zgartirish va qo‘shimchalar kiritildi, unga ko‘ra Xorijiy tijorat tashkilotlarining vakolatxonalarini akkreditatsiya qilish uchun undiriladigan Davlat boji miqdoriga aniqlik kiritildi.
O‘zbekiston hukumati investitsiyalarni jalb qilish uchun turli tartib va mexanizmlarni yaratgan bo‘lib, chet el tijorat tashkilotlari vakolatxonalari uchun akkreditatsiya qilish Vazirlar Mahkamasining 2024-yil 7-fevraldagi 76-son talablari doirasida amalga oshiriladi.
O‘zbekiston iqtisodiyotining global integratsiyasini kuchaytirish, chet el kapitalini jalb qilish va tashqi savdo faoliyatini rivojlantirish muhim ahamiyatga ega. Chet el tijorat tashkilotlari vakolatxonalari O‘zbekistonda iqtisodiy faoliyat olib borish, savdo, investitsiyalar va xizmatlar sohasidagi aloqalarni rivojlantirishda muhim rol o‘ynaydi, chet el tijorat tashkilotlari vakolatxonalari o‘z faoliyatini amalga oshirishda davlatning iqtisodiy va savdo siyosatiga muvofiq, mamlakatning tashqi iqtisodiy aloqalarini mustahkamlashda yordam beradi.
Vakolatxona vakolatlari chet el kompaniyalarining O‘zbekistondagi biznes faoliyatlarini amalga oshirish, investitsiya va savdo imkoniyatlarini kengaytirish imkoniyatini yaratadi.
Bunda, kompaniyaning huquqiy maqomi, xizmatlar va mahsulotlar bo‘yicha yangi bozorlar ochilishi, import-eksport operatsiyalarining samarali yo‘lga qo‘yilishi va boshqa ko‘plab iqtisodiy foydalar taqdim etiladi.