O‘zbekiston Respublikasi Investitsiyalar, sanoat va savdo vazirligi

Joriy yilning 10-oktabr kuni O‘zbekiston Respublikasi investitsiyalar, sanoat va savdo vaziri Laziz Kudratov Eiffage kompaniyasining rivojlanish va institutsional aloqalar bo‘yicha direktori Nikolas Syuro boshchiligidagi delegatsiya bilan muzokaralar o‘tkazdi.

Tomonlar diqqat markazida O‘zbekiston hududlarini uzluksiz suv bilan ta’minlash loyihasini amalga oshirishning bugungi holati bo‘ldi.

Loyihadan oldingi tadqiqotlarni o‘tkazish va qurilish ishlarini boshlashning amaliy jihatlari ko'rib chiqildi. Yuzaga kelgan masalalar bo‘yicha konstruktiv, o‘zaro maqbul yondashuvlar ishlab chiqildi, kelgusida hamkorlik qilish formati va loyihani amalga oshirishga oid qo‘shma chora-tadbirlar belgilandi.

 Eiffage - bosh qarorgohi Velizi-Villakuleyda (Fransiya) joylashgan fransuz qurilish kompaniyasi. 1992-yilda Fougerolle va SAE birlashishi natijasida tashkil etilgan. DXSh va konsessiyalarga asoslanib yoʻllar, elektr stansiyalari, qurilish va shaharsozlik loyihalarga ixtisoslashgan Fransiyadagi yetakchi qurilish kompaniyalaridan biri hisoblanadi. Dunyoning 50 ta davlatida faoliyat yuritadi. Aktivlari - 37,8 milliard yevro. Kompaniyaning 76 300 ishchisi bor.