O‘zbekiston Respublikasi Investitsiyalar, sanoat va savdo vazirligi

TXIF 2024 da boʻlib oʻtgan «ESG: Barqaror investitsiya va biznesga yangi yondashuvlar» panel sessiyasi ESG sohasidagi soʻnggi tendensiyalarni va ularning xalqaro investorlar qarorlariga taʼsirini muhokama qilish uchun ekspertlarni bir joyga to‘pladi.

– O‘zbekistondagi umumiy portfelimizga kelsak, 15 dan ortiq loyihamiz bor. Baְ’zilari qurilish bosqichida, boshqalari — faol rivojlanishda. Bu 13 milliarddan ortiq investitsiyadir. Biz bu loyihalarni butun respublika bo‘ylab – Toshkent, Sirdaryo, Samarqand, Buxoro, Qoraqalpog‘iston va boshqa joylarda amalga oshirmoqdamiz, — dedi Acwa Power mintaqaviy direktori Jon Zaydi. – Acwa Power O‘zbekistonning yashil o‘tish davrining bir qismidir va menimcha, bu hammaga aytib berish juda zarur bo‘lgan voqea. Yashil energetikaning mamlakat energiya iste’moli tarkibidagi ulushi 26 foizdan 80 foizdan oshishi kutilmoqda.

Ishtirokchilar xalqaro investorlar rivojlanayotgan bozorlardagi imkoniyatlarni qanday baholashlarini shakllantiruvchi ESGning so‘nggi ishlanmalari va tendensiyalarini muhokama qildilar.

Sessiyada to‘g‘ridan-to‘g‘ri xorijiy investitsiyalarning o‘sib borayotgan va xilma-xil shakllarini jalb qilish dinamikasini saqlab qolish bo‘yicha O‘zbekistonning barqaror rivojlanish sohasidagi ustuvor yo‘nalishlari ko‘rib chiqildi. Mutaxassislar uzoq muddatli barqarorlikni ta’minlash uchun ESG omillarini investitsiya strategiyalari va biznes amaliyotlariga integratsiya qilish bo‘yicha o‘z qarashlari bilan o‘rtoqlashdilar.

— ESG g‘oyalari AirProduct loyihalarida amalga oshirilmoqda. O‘tgan yili global miqyosda biz mijozlarimizga 86 million tonna issiqxona gazlari chiqindilarini kamaytirishga yordam berdik, bu o‘zimiz ishlab chiqarganimizdan uch barobar ko‘p. 2030-yilga borib oʻzimizning chiqindilarni uchdan biriga qisqartirish rejamiz bor, — dedi AirProduct kompaniyasining Markaziy Yevropa va Markaziy Osiyo boʻyicha direktori Artur Gazizyanov. – O‘zbekistondagi loyihalardan biri Navoiy shahridagi CO2 ni yutuvchi zavoddir. U Navoiy azot zavodida ammiak ishlab chiqarish siklida hosil bo‘ladigan yiliga 40 ming tonnadan ortiq CO2 ni to‘playdi.

Sessiya O‘zbekistonda ESG tamoyillarini tatbiq etish va uning investitsion jozibadorligini oshirish bo‘yicha konstruktiv muloqot uchun platforma yaratdi.