O‘zbekiston Respublikasi Investitsiyalar, sanoat va savdo vazirligi

- So‘nggi bir necha yilda O‘zbekiston jahon arenasida investorlar uchun maqsadli manzil sifatida bo‘y ko‘rsatdi, – ta'kidladi Henley&Partners ofisi rahbari Akram Muxamatqulov. – O‘zbekiston yuqori daromadga ega hududlardagi odamlar uchun qiziqarli bo‘lishi mumkin, negaki bu yerda jozibali ko‘chmas mulk bozori, hamkorlikka ochiqlik va istiqbollar bor.

Bugun dunyoda 85dan ortiq investitsiyalar hisobiga yashash uchun guvohnoma olish dasutrlari mavjud. Ular orasida eng mashhurlari Portugaliya, Ispaniya, Italiya, Gretsiya, Malta va AQShdagi dasturlardir.

Ishtirokchilar muvaffaqiyatli dasturlarning umumiy jihatlari va O‘zbekistonda eng yaxshi amaliyotlar miqdorini oshirish imkoniyatlarini muhokama qilishdi. Shuningdek, xususiy investorlarni jalb qiluvchi asosiy investitsiya vositalari ko‘rib chiqildi.

- O‘zbekiston – bu juda tez o‘sayotgan mamlakat. Bu yerda o‘qishni xohlaydigan ko‘plab yoshlar bor va bu har bir mamlakat uchun muhim. Bu juda katta ustunlik, – ta'kidladi Honestus Family Office AG bosh direktori Mixal Per.

Sessiyada davlat qanday qilib bu investitsiyalarni rag‘batlantirishi va ko‘chmas mulk hamda shaharsozlik sektorida qo‘llashi mumkinligiga oid savollar ko‘tarildi.