Korporativ boshqaruv yo‘nalishida O‘zbekistondagi amaliyot muhokama qilindi
2024-05-02 16:00:00 / Yangiliklar
Korporativ boshqaruv sifati barqaror iqtisodiyotni qurish elementlaridan biri, shuningdek, global portfel investorlar mablag‘lari uchun raqobatning asosiy jihatlaridan biridir.
Muhokamalar jarayonida davlatlar yurisdiksiya darajasida yuqori sifatli korporativ boshqaruvni yaratish uchun nima qilmoqda, portfel investorlari mamlakatni yangi investitsiyalar obyekti sifatida ko‘rib chiqishda nimani ko‘rishni xohlashadi kabi savollarga javob izlandi.
Mavzu muhokamasida quyidagi spikerlar ishtirok etdi:
Denis Spirin, boshqaruv qo‘mitasi a’zosi, Prosperity Chapter Zero Uzbekistan
Djennifer Nordkuist, iqtisodiy innovatsiyalar guruhi, AQSHning sobiq ijrochi direktori, Jahon banki guruhi
Oljas Omarov, Markaziy Osiyo va Kavkaz bo‘yicha direktor, KPMG
Oleg Shvirkov, Direktor, Board & Governance Services Morrow Sodali
Andrey Kopiakov, Korporativ Boshqaruv Katta Menejeri, Prosperity Capital Management Ltd
Djordj Dallas, Yevropa korporativ boshqaruv institutining kontent rahbari (onlayn)
Sessiya ishida Djordj Dallasning (Yevropa korporativ boshqaruv institutining kontent rahbari) aytishicha, faqat bozor o‘rganilmay, investorlarning O‘zbekistondan nima kutishini ham tahlil qilinadi.
Odatda chet ellik investorlarni makro tahlikalar, jumladan, qonunchilik, tartibga solish barqarorligi, sektorlarda raqobat darajasi qandayligi o‘ylantiradi.
O‘zbekistonga keladigan bo‘lsak, bunda investorlar ustidan nazorat, ularning roli, biznes aloqalari, korrupsiya, tanish-bilishchilik, hukumat bilan bog‘liqlik kabi masalalarda muammolar kuzatilishi mumkin. Bundan tashqari, shaffoflik, kengash boshqaruvidagi mustaqillik. kengashlarda mustaqil direktorlar bo‘lishi kerakligini ham nazardan qochirmaslik lozim”, — dedi Djordj Dallas.
Oleg Shvirkovning (Board & Governance Services Morrow Sodali kompaniyalari direktori) aytishicha, O‘zbekiston bozorida davlat korxonalarining ulushi katta.
“Biz O‘zbekistonda qaror ishlab chiquvchilarga tavsiyalarimizni berib boramiz. Kelajakda O‘zbekistondagi kapital bozordagi standartlarni ishlab chiqishga e’tibor qaratib, bunga yordam beramiz”, — dedi Oleg Shvirkov.
Iqtisodiy innovatsiyalar guruhi a’zosi Djennifer Nordkuistning alohida ta’kidlashicha, korporativ boshqaruv kengashlarining a’zolari albatta moliyaviy bozorni yaxshi bilishlari kerak.
“O‘zbekistonda korporativ boshqaruv endi rivojlanib kelmoqda. Turli tadqiqotlar shuni ko‘rsatmoqdaki, direktorlar kengashi a’zolari, soni va mavqei kabi masalalar ortda qolib ketgan.
Korporativ boshqaruv kodeksi ancha yillar avval amaliyotga tatbiq etilgan bo‘lsa-da, cheklangan shaxslargina bundan foydalanmoqda. Kodeks zaif, turli jihatlarni, kengash ishi, boshqaruv ishi, ta’riflar to‘g‘ri ishlab chiqilmagan. Shuning uchun mamlakat kodeksning boshqaruv, nazorat, tariflar kabi yo‘nalishlarni yaxshi ishlab chiqishi kerak”, — dedi KPMG Markaziy Osiyo va Kavkaz bo‘yicha direktori Oljas Omarov.