Qurilish va uy-joy kommunal xo'jaligi vazirligida Kasaba uyushmalari qo'mitalariga uslubiy ko'mak ko'rsatildi
2024-08-01 09:00:00 / Vazirlik yangiliklar
Bugun Qurilish va uy-joy kommunal xo'jaligi vazirligida markaziy apparat va uning tizim tashkilotlari Kasaba uyushmalari qo'mitalariga ijtimoiy sheriklik va himoya masalalari, jamoa shartnomalarining bajarilish holati, mehnat qonunchiligiga rioya qilish, hududlardagi ijtimoiy holat tahlili yuzasidan Respublika tarmoq Kengashi boshchiligida uslubiy ko'mak ko'rsatildi.
Tadbir davomida ishtirokchilarga xodimlarning ijtimoiy ahvoli, qurilish-pudrat tashkilotlarida ishchi-xodimlarga oylik ish haqi to'lanishida ta'rif klassifikatoriga rioya qilinishi lozimligi singari yo'nalishlarda tushuntirish berildi. Jamoa shartnomalarida ayollarga berilgan imtiyoz va kafolatlar masalalari muhokama qilindi.
Xususan, har bir qatnashchi bilan suhbatlashilib, O'zbekiston standartlashtirish, metrologiya va sertifikatlashtirish agentligining 2021-yil 12-yanvardagi qarori bilan tasdiqlangan "Xizmatchilarning asosiy lavozimlari va ishchilar kasblari klassifikatori (XALIKK-2020)"ga binoan tizim tashkilotlarida jamoatchilik nazoratini olib borishda nazoratni kuchaytirish borasida amaliy yordam ko'rsatildi hamda kerakli tavsiyalar berildi.