Shaharsozlik hujjatlarini ekspertiza qilish Respublika markazida yig‘ilish bo‘lib o‘tdi
2026-04-03 18:10:00 / Vazirlik yangiliklar
Qurilish va uy-joy kommunal xoʻjaligi vazirligi huzuridagi “Shaharsozlik hujjatlarini ekspertiza qilish Respublika markazi” DMda korrupsiyaviy holatlarning oldini olish, intizom va mas’uliyatni yanada oshirishga bag‘ishlangan yig‘ilish bo‘lib o‘tdi.
Unda hududiy boshqarmalar xodimlari ham videokonferensaloqa orqali ishtirok etdi.
Ta’kidlanganidek, tashkilotning har bir ekspert-mutaxassisi va xodimlari ishga vijdonan yondashishi, manfaatlar to‘qnashuvi va ta’magirlikka murosasiz kayfiyatda bo‘lishi lozim. Shu bois qurilishi rejalashtirilgan obyektlarning loyiha-smeta hujjatlarini ko‘rib chiqishga oid barcha jarayonni to‘liq raqamlashtirish, ekspert xulosalarini asossiz va sun’iy kechiktirishga yo‘l qo‘ymaslik muhim ekani qat’iy belgilandi.
Yig‘ilishda manfaatlar to‘qnashuviga sovuqqonlik bilan qaragan va unga yo‘l qo‘ygan xodimlarga keskin chora ko‘rilishi, barcha qonun oldida javobgar ekanligi ta’kidlandi. Shuningdek, yuqoridagi holatlarning oldini olish bo‘yicha tashkilotning har bir a’zosi shaxsiy namuna ko‘rsatishi zarurligi aytildi.
Korrupsiya holatlarining oldini olishga qaratilgan raqamli chora-tadbirlarni kuchaytirish vazifalari belgilandi.