Yaponiyalik investorlar tomonidan koʻp kvartirali uylarni boshqarish sohasiga qiziqish bilirilmoqda
2026-04-03 13:00:00 / Vazirlik yangiliklar
Bugungi olib borilayotgan chuqur islohotlar va investorlarga yaratilayotgan keng imkoniyatlar sababli mamlakatimizda ishlab chiqarish va xizmat ko‘rsatish sohalariga xorijiy investorlarning qiziqishi ortib bormoqda.
Xususan, Yaponiyaning yirik “Agnosti” AJ kompaniyasi tomonidan aholiga sifatli kommunal xizmatlar ko‘rsatish maqsadida Xorazm viloyatida zamonaviy boshqaruv servis kompaniyasini tashkil etish taklifi bildirilmoqda.
Mazkur loyiha doirasida 2-aprel kuni "O‘zbekiston-Yaponiya savdo uyi", Yaponiyaning “Agnosti” AJ kompaniyasi mutasaddi xodimlari, vazirlik departamenti Xorazm viloyati bo‘yicha vakili hamda Xorazm viloyati Qurilish va uy-joy kommunal xo'jaligi Bosh boshqarmasi boshlig'ining o‘rinbosari ishtirokida dastlabki muzokaralar bo‘lib o‘tdi.
Muzokaralar davomida koʻp kvartirali uylarga ko‘rsatiladigan xizmatlar va ishlar ro‘yxati, uylarni energiya samaradorligini oshirish bo‘yicha zamonaviy texnologiyalarni jalb qilish, chiqindilar bilan ishlash kabi masalalar ko‘rib chiqildi.