Kelayotgan muammolarni hal etish bo‘yicha Mirzo Ulug‘bek tumanida yig‘ilish o‘tkazilgan
2026-04-02 21:00:00 / Vazirlik yangiliklar
Qurilish va uy-joy kommunal xo‘jaligi vazirligi hamda “Kommunal ta’minoti markazi” davlat muassasasi tomonidan aholi va ko‘p qavatli uylarga xizmat ko‘rsatuvchi boshqaruv organlari o‘rtasida yuzaga kelayotgan muammolarni hal etish bo‘yicha amaliy ishlar olib borilmoqda.
Jumladan, Mirzo Ulug‘bek tumanida o‘tkazilgan yig‘ilishda aholi hamda boshqaruv organlarining huquq va majburiyatlari atroflicha muhokama qilindi. Unda tomonlar o‘rtasidagi munosabatlarni tartibga solish, mavjud muammolarni bartaraf etish va ularga amaldagi qonunchilik talablari asosida huquqiy yechim topish masalalariga alohida e’tibor qaratildi.
Yig‘ilish davomida mutaxassislar tomonidan fuqarolarning murojaatlari tinglanib, har bir holat yuzasidan aniq tushuntirish va tavsiyalar berildi. Bu kabi uchrashuvlar aholi manfaatlarini himoya qilish, shuningdek, boshqaruv organlari faoliyatining ochiqligi va samaradorligini oshirishga xizmat qiladi.
Agar sizda ham shunday muammolar yuzaga kelsa, Qurilish va uy-joy kommunal xo‘jaligi vazirligi huzuridagi “Kommunal ta’minoti markazi”ga murojaat qilishingiz mumkin: 95 212-11-04