Vazirligida vazir oʻrinbosari T.Alimatov boshchiligida videoselektor yigʻilishi boʻlib oʻtdi
2026-04-01 19:50:00 / Vazirlik yangiliklar
Bugun Qurilish va uy-joy kommunal xoʻjaligi vazirligida vazir oʻrinbosari T.Alimatov boshchiligida videoselektor yigʻilishi boʻlib oʻtdi.
Unda 2026-yilgi ijtimoiy va ishlab chiqarish infratuzilmasini rivojlantirish dasturi ijrosi, obyektlarda olib borilayotgan qurilish ishlari holati tanqidiy-tahliliy koʻrib chiqildi.
Shu bilan birga, dastur doirasida barpo etilayotgan maktab va maktabgacha taʼlim muassasalarini belgilangan muddatlarda yakunlash, ularni sifatli tarzda foydalanishga topshirish hamda mavjud kamchiliklarni bartaraf etish boʻyicha aniq topshiriqlar berildi.
Yigʻilish davomida vazirlik faoliyatiga oid boshqa dolzarb masalalar, jumladan, hududlarda qurilish jarayonlarini tizimli tashkil etish, ijro intizomini kuchaytirish va masʼul tashkilotlar faoliyatini muvofiqlashtirish masalalari ham muhokama qilindi.
Tadbirda vazirliklar va idoralar, xoʻjalik birlashmalari huzuridagi buyurtmachi xizmatlari rahbarlari hamda mahalliy hokimliklar rahbarlarining kun tartibidagi masalalar yuzasidan hisobotlari eshitildi.