Navoiy bosh boshqarmasida korrupsiyaga qarshi kurashish yuzasidan tadbir tashkil etildi
2026-03-16 15:00:00 / Vazirlik yangiliklar
Qurilish va uy-joy kommunal xo‘jaligi vazirligining korrupsiyaga qarshi kurashish bo‘limi masʼullari tomonidan Navoiy viloyati qurilish va uy-joy kommunal xo‘jaligi bosh boshqarmasida korrupsiyaga qarshi kurashish yuzasidan tadbir tashkil etildi.
Unda Korrupsiyaga qarshi kurashish bo‘limi mas‘uli Sh.Qo‘chqorov O‘zbekiston Respublikasi Prezidentining "O‘zbekiston Respublikasida korrupsiyaning oldini olish va unga qarshi kurashish tizimini yana-da takomillashtirish to‘g‘risida"gi PF-270-sonli Farmon mazmun va mohiyati haqida so‘z yuritib, barcha xodimlarga korrupsiyaga qarshi murosasiz munosabatni shakllantirish yuzasidan tushuntirish berdi. Xususan, o‘z vakolatini suiisteʼmol qilish, manfaatlar to‘qnashuviga yo‘l qo‘yish va har qanday korrupsion jinoyatlarni amalga oshirishning salbiy oqibatlari haqida atroflicha maʼlumotlar taqdim etildi.
🔹 Shuningdek, 2026-yilning “Korrupsiyaga qarshi kurashish bo‘yicha favqulodda holat” deb eʼlon qilingani munosabati bilan sohada yangi va samarali yondashuvlarni joriy etish zarurligi taʼkidlandi. Prezident Farmonlari va Vazirlar Mahkamasi qarorlari ijrosini taʼminlash, ijro intizomiga qatʼiy rioya qilish hamda belgilangan muddatlarda murojaat va topshiriqlarni ko‘rib chiqish masalalariga alohida eʼtibor qaratildi.