Siyosiy-maʼrifat soati
2026-02-27 11:00:00 / Vazirlik yangiliklar
Bugun Qurilish va uy-joy kommunal xoʻjaligi vazirligida navbatdagi siyosiy-maʼrifat soati tashkil etildi.
Tadbirda vazirlikning markaziy apparati xodimlari faol ishtirok etdilar. Uchrashuv davomida dolzarb ijtimoiy-siyosiy masalalar, davlatimizda amalga oshirilayotgan keng ko‘lamli islohotlar hamda soha oldida turgan ustuvor vazifalar yuzasidan atroflicha fikr almashildi.
Taʼkidlash joizki, shu kabi tadbirlar xodimlarning siyosiy bilim va dunyoqarashini kengaytirish, ularning kasbiy masʼuliyatini yanada oshirish hamda milliy qadriyatlarimizga hurmat ruhini mustahkamlashda muhim o‘rin tutmoqda. Xususan, bunday uchrashuvlar jamoalarda sog‘lom maʼnaviy muhitni shakllantirish, milliy o‘zlikni anglash va uni keng targ‘ib etishga xizmat qilmoqda.
Alohida qayd etish lozimki, siyosiy-maʼrifat soatlari vazirlikning barcha hududiy boshqarmalari hamda tizim tashkilotlarida muntazam va tizimli ravishda o'tkazib kelinmoqda.