Urganch davlat universiteti talabalari bilan ochiq muloqot tarzida uchrashuv
2026-02-26 20:00:00 / Vazirlik yangiliklar
Joriy yilning 24-fevral kuni hurmatli Prezidentimiz yoshlar bilan uchrashuvida mamlakatimizda har haftaning payshanba kuni vazirlik, idora va hokimliklarda “Yoshlar kuni” bo‘lishini e’lon qilgan edi.
Mazkur tashabbus doirasida Abu Rayhon Beruniy nomidagi Urganch davlat universiteti talabalari bilan viloyat Qurilish va uy-joy kommunal xo‘jaligi bosh boshqarmasida ochiq muloqot tarzida uchrashuv o‘tkazildi.
Uchrashuvda Bosh boshqarma boshlig‘i M.Qalandarov sohada yosh kadrlar uchun yaratilayotgan yangi imkoniyatlar, imtiyozlar haqida batafsil ma’lumot berdi. Bosh boshqarma faoliyati bilan yoshlarni yaqindan tanishtirdi. Talabalarning taklif va tashabbuslarini tingladi. O’z tajribasidan kelib chiqib tavsiyalar berdi.
Mazkur tashabbus davlat idoralari va bo‘lajak soha vakillari o’rtasida ko‘prik vazifasini bajaradi. Ularning tajribalarini oshirishga ham katta yordam beradi.