Muassasa rahbariyati va xodimlar ishtirokida korrupsiyaga qarshi kurashish masalalariga bagʻishlangan yigʻilish boʻlib oʻtdi
2026-02-11 16:00:00 / Vazirlik yangiliklar
Bugun Qurilish va uy-joy kommunal xoʻjaligi vazirligi huzuridagi “Oʻzshaharsozlik LITI” DM binosida muassasa rahbariyati va xodimlar ishtirokida korrupsiyaga qarshi kurashish masalalariga bagʻishlangan yigʻilish boʻlib oʻtdi.
Unda tizimda amalga oshirilayotgan ishlar tahlil qilinib, 2026-yilda bajarilishi lozim boʻlgan ustuvor vazifalar belgilab olindi.
Yigʻilish davomida Korrupsiyaga qarshi kurashish agentligi masʼul xodimi J.Fayziyev soʻzga chiqib, sohada korrupsiyaga nisbatan murosasiz munosabatni shakllantirish, manfaatlar toʻqnashuvini oldini olish hamda halollik tamoyillarini mustahkamlash boʻyicha qabul qilinayotgan normativ-huquqiy hujjatlarning mazmun-mohiyatini atroflicha tushuntirib berdi.
Xususan, Oʻzbekiston Respublikasi Prezidentining 2025-yil 30-dekabrdagi PF–270-son Farmonida belgilangan topshiriq va vazifalarga toʻxtalib oʻtildi.
Shuningdek, xodimlarga korrupsion jinoyatlarning turlari, ularning huquqiy oqibatlari hamda xizmat faoliyatida qonunchilik talablariga qatʼiy rioya etish zarurati yuzasidan tushuntirishlar berildi.