Arxitektura va qurilish sohasi faxriylari ishtirokida davra suhbati tashkil etildi
2026-01-09 17:00:00 / Vazirlik yangiliklar
Vazirlar Mahkamasining 2024-yil 17-iyuldagi 431-son qarori ijrosini taʼminlash maqsadida Arxitektura va qurilish sohasi Faxriylar kengashi tomonidan tizimli ishlar amalga oshirilmoqda. Xususan, Kengash raisi K.Tulyaganov tashabbusi bilan “O‘zshaharsozlik LITI” davlat muassasasida faoliyat yuritayotgan arxitektura va qurilish sohasi faxriylari ishtirokida davra suhbati tashkil etildi.
Mazkur davra suhbati davomida soha rivojini yangi bosqichga olib chiqishda faxriylarning hayotiy tajribasi, amaliy mahorati va kasbiy salohiyatidan keng foydalanish masalalari muhokama qilindi.
Uchrashuv davomida shahar hududlaridan samarali foydalanish, aholi punktlarini arxitektura-rejalashtirishda ilmiy va amaliy yondashuvlarni qoʻllash, shu yoʻnalishda aniq tavsiyalar ishlab chiqish zarurligi alohida taʼkidlandi. Xususan, faxriylarning maʼnaviy ehtiyojlarini inobatga olish, ularning qonuniy huquq va manfaatlarini himoya qilish, munosib turmush darajasi hamda ijtimoiy mavqeyini taʼminlash masalalari kun tartibidan oʻrin oldi.
Davra suhbati yakunida soha rivojiga salmoqli hissa qoʻshgan, koʻp yillar davomida loyihachilik, arxitektura va muhandislik yoʻnalishlarida fidokorona mehnat qilgan bir guruh faxriylarga Arxitektura va qurilish sohasi Faxriylar kengashi raisi tomonidan "Kengash faxriysi" maqomi tantanali ravishda topshirildi.