O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligi

Unda Innovatsion rivojlanish agentligi xodimlari hamda OAV vakillari ishtirok etdilar. So‘zga chiquvchilar so‘nggi yillarda davlatimiz rahbari boshchiligida axborot va so‘z erkinligini ta’minlash, jurnalistlarni jamiyatning ishonchli kuchiga aylantirish hamda bu orqali fuqarolar va davlat idoralari o‘rtasida mustahkam “ko‘prik” yaratish, murojaatlarga o‘z vaqtida va sifatli javob qaytarish borasida katta islohotlar amalga oshirilganini ta’kidladilar.

Shuningdek, mamlakatimiz miqyosida ilm-fan va innovatsion faoliyatni qo‘llab-quvvatlash, bu borada mavjud imkoniyatlarni keng targ‘ib qilish, aholining sohaga oid yangiliklarga bo‘lgan talabini qondirish borasida jurnalistlarning muhim o‘rni borligi yana bir bora qayd etildi. Yangiliklarni auditoriyaga yetkazish, dolzarb mavzularni zamonaviy kontent asosida tayyorlash, ilmiy doira vakillarini o‘ylantirayotgan savollarga yechim topishga ko‘maklashish bo‘yicha o‘zaro fikr almashildi.

Tadbir yakunida ilm-fan va innovatsion faoliyatni aholi, ayniqsa yoshlar o‘rtasida keng targ‘ib etishga hissa qo‘shib kelayotgan bir guruh jurnalistlar hamda OAV vakillari esdalik sovg‘alari bilan taqdirlandi.