“TechnoWays” harbiy ilmiy-innovatsion marafoni start oldi
2025-05-22 18:10:00 / Yangiliklar
Marafonda Mudofaa vazirligi tizimidagi 5 ta oliy harbiy bilim yurtlarining yosh tadqiqotchilari hamda iqtidorli kursantlari ishtirok etdilar.
Ochilish marosimida Mudofaa vazirining birinchi o‘rinbosari – Qurolli Kuchlar Bosh shtabi boshlig‘i, general-mayor Z.Iminov va Innovatsion rivojlanish agentligi direktori Sh.Rajabbayev so‘zga chiqib, mamlakatimizning mudofaa salohiyatini yanada mustahkamlash va rivojlantirishda ilm-fan va innovatsion texnologiyalar muhim ahamiyatga ega ekanini alohida ta’kidladilar.
Marafon doirasida innovatsion harbiy loyihalar ko‘rgazmasi tashkil etilib, unda 150 dan ortiq ishlanmalar namoyish etildi. Tadbir davomida 5 nafar kursant Yoshlar akademiyasi a’zoligiga qabul qilindi.
Shuningdek, “Bo‘lajak olim” tanlovi doirasida tashkil etilgan “Mudofaa sohasidagi ilmiy g‘oyalar” tanlovida ishtirok etayotgan ilmiy g‘oyalarning taqdimotlari boshlandi.