Termiz davlat universitetida surxondaryolik yoshlar bilan ochiq muloqot va sayyor qabul o‘tkazildi
2026-04-09 20:00:00 / Yangiliklar
Ochiq muloqot “Payshanba — yoshlar kuni” doirasida tashkil etildi. Unda Innovatsion rivojlanish agentligi direktori v.v.b A.Norov ishtirok etdi.
Talaba-yoshlar, yosh olimlar va tadqiqotchilar qatnashgan tadbirda Agentlik tomonidan e’lon qilinayotgan ilmiy-amaliy tanovlar, startap loyihalarni shakllantirish va moliyalashtirishning amaldagi tartibi hamda xorijiy stajirovka dasturlarida ishtirok etish shartlari bo‘yicha batafsil ma’lumot berildi.
Muloqot davomida yoshlar tomonidan ilgari surilgan yangi loyiha takliflari ko‘rib chiqildi va ishtirokchilarni qiziqtirgan savollarga mutasaddilar tomonidan atroflicha javoblar taqdim etildi.
Uchrashuv yakunida hudud yoshlarini innovatsion faoliyatga keng jalb etish, istiqbolli g‘oyalarni saralash va ularni amaliyotga joriy etishni qo‘llab-quvvatlash bo‘yicha kelgusidagi ustuvor vazifalar belgilab olindi.