Innovatsion rivojlanish agentligi va “UzAuto Motors” hamkorlikni kengaytirmoqda
2026-03-12 10:55:00 / Yangiliklar
Innovatsion rivojlanish agentligi hamda “UzAuto Motors” AJ vakillari o‘rtasida ta’lim–fan–ishlab chiqarish integratsiyasini yanada mustahkamlash masalalariga bag‘ishlangan navbatdagi uchrashuv bo‘lib o‘tdi.
Muloqot davomida texnik yo‘nalishdagi oliy ta’lim va ilmiy tashkilotlar bilan tizimli ilmiy hamkorlikni yo‘lga qo‘yish maqsadida ilmiy-amaliy tadbir òtkazishni tashkil qilish hamda korxonadagi R&D faoliyatini takomillashtirish, innovatsion jamg'armani shakllantirish masalalari muhokama qilindi.
Mazkur tashabbuslar ilmiy natijalarni amaliyotga tatbiq etish, innovatsion loyihalarni moliyalashtirish va ishlab chiqarish jarayoniga ilg‘or texnologiyalarni joriy etishga xizmat qiladi.
Shuningdek, “UzAuto Motors” AJ Texnik rivojlantirish direksiyasi (R&D markazi) faoliyatini yanada kengaytirish va yosh olimlarni amaliy tadqiqotlarga jalb etish hamda avtomobilsozlik sohasida ilmiy salohiyatni kuchaytirish masalalari ko‘rib chiqildi.
Uchrashuv yakunida o‘zaro hamkorlikning aniq yo‘nalishlarini belgilash va amaliy mexanizmlarni ishlab chiqish bo‘yicha kelishuvga erishildi.