Germaniyaning yetakchi oliy taʼlim tashkilotlaridan biri Drezden texnika universiteti vakillari hamda Innovatsion rivojlanish agentligi mutaxassislari o‘rtasida uchrashuv bo‘lib o‘tdi.
2026-02-27 17:45:00 / Yangiliklar
Uchrashuvda Agentlik xodimlari Ilmiy tadqiqot faoliyatini muvofiqlashtirish boʻlimi boshligʻi B.Shamuarotov, Ichki audit va korrupsiyaga qarshi kurashish boʻyicha bosh mutaxassis D.Raxmatullayev, Ilmiy va innovatsion faoliyatga moliyaviy resurslar va xorijiy grantlarni jalb qilish boshqarmasi bosh mutaxassisi M.Xajiyevlar ishtirok etdi.
Muzokaralar davomida Oʻzbekistonlik yosh olimlarni Drezden texnika universitetiga qisqa muddatli ilmiy stajirovkaga yuborish masalalari muhokama qilinib, uchrashuv yakunida oʻzaro ilmiy hamkorlik memorandumini imzolash va dasturlar tuzishga kelishib olindi.
Maʼlumot uchun: Drezden texnika universiteti 1828-yilda tashkil etilgan boʻlib, xalaqro nufuzli universitetlar reytingida 234-oʻrinni egallaydi. Universitet Germaniyaning eng yaxshi 9 ta texnika universitetlar konsorsiumiga (TU9) kiradi. Germaniyadagi ilmiy va taʼlim sifati yuqori universitetlar uchun beriladigan “University of Excellence” statusiga ega.