Farg‘оnа vilоyati hоkimligi

“Hansae mobility” kompaniyasi bilan Farg‘onada avtomobil ehtiyot qismlarini ishlab chiqarish loyihasini amalga oshirish bo‘yicha kelishuvga erishilgan bo‘lib, bugungi uchrashuvda loyihani boshlash bilan bog‘liq masalalar muhokama qilindi.

Viloyat hokimi Koreya davlati O‘zbekistonning eng yaqin savdo va investisiya hamkori ekanligini qayd etib, kompaniya rahbariyatiga O‘zbekistonga, xususan, Farg‘onaga sarmoya kiritayotganliklari uchun minnatdorlik bildirdi. 

Har bir Farg‘onaga borayotgan investorlarni ishonchi muhim ekanligi, ular tomonidan kiritilayotgan istiqbolli loyihalar qo‘llab-quvvatlanishini ma’lum qildi. 

Investorlarga loyihani boshlashlari uchun erkin iqtisodiy zonalari, investorlarga ajratilayotgan soliq va boshqa imtiyozlar haqida ma’lumot berildi. 

Kompaniya haqida video rolik va taqdimot o‘tkazildi. 

Yakunda Farg‘ona viloyati va “Hansae mobility” kompaniyasi o‘rtasida o‘zaro hamkorlik memorandumi imzolandi.

Shundan so‘ng delegatsiya a’zolari kompaniyaning texnik markazi va sinov laboratoriyasi faoliyati bilan tanishishdi. 

“Hansae mobility” kompaniyasi 1982 yilda kichik tikuv fabrikasi sifatida tashkil etilgan. Hansae Group bugungi kunda dunyo miqyosidagi yetakchi moda va tekistil mahsulotlarni eksport qiluvchi korxonalar qatoriga kirgan. Kompaniyaning ilk yo‘nalishi to‘qimachilik bo‘lgan bo‘lsa-da, vaqt o‘tishi bilan o‘z faoliyatini ancha kengaytirdi. 

Hansae keyinchalik Yes24 va Dong-A Publishing kabi yirik madaniy va ta’lim sohasi kompaniyalarini sotib olib, kontent va nashr etish yo‘nalishini ham o‘z ichiga oldi. Shuningdek, Hansae MK va Hansae Dream orqali moda brendlarini rivojlantirishga kirishdi. 2024 yilda esa kompaniya yangi bosqichga qadam qo‘yib, Hansae Mobilityni tashkil etish orqali avtomobilsozlik sohasiga kirdi.

Guruh tarkibi va faoliyat yo‘nalishlari Hansae Yes24 Holdings boshchiligidagi guruh hozirda beshta yirik tarmoqdan iborat: Hansae Corporation, Hansae MK, Yes24, Dong-A Publishing, Hansae Mobility.

Hansae Mobility – yangi avlod sanoati Avtomobilsozlik yo‘nalishi 2024 yilda "Hansae Mobilit" nomi bilan alohida kompaniya sifatida tashkil etildi. Uning faoliyati tormoz tizimlari, rul boshqaruvi, yarim o‘qlar elektr va quvvat uzatish qismlari hamda ADAS (Advanced Driver Assistance Systems) – ya’ni avtopilot va xavfsizlik sensorlari ishlab chiqarishni qamrab oladi.

Hansae Mobility mahsulotlari hozirda GM, Stellantis, Volkswagen, Rivian, Vinfast, UzAuto va boshqa yirik xalqaro kompaniyalarga yetkazib beriladi. Bu Hansaening nafaqat Koreya, balki Amerika, Yevropa va Markaziy Osiyo bozorlarida ham o‘z o‘rniga ega ekanini tasdiqlaydi.

Kompaniyaning Koreya, Xitoy va AQSHda zavodlari bo‘lib, 2026 yilda O‘zbekistonda yangi ishlab chiqarish majmuasi ishga tushirilishi rejalashtirilgan.