Farg‘оnа vilоyati hоkimligi

Bu muhim shartnoma ikki hudud o‘rtasida iqtisodiyot, investisiya, savdo-sanoat, migratsiya, ta’lim va boshqa sohalar bo‘yicha amalga oshirilayotgan hamkorlikni jadal rivojlantirishga xizmat qiladi.

Shundan so‘ng o‘tkazilgan uchrashuvda O‘zbekiston va Koreya Respublikasi o‘rtasidagi strategik sheriklik aloqalari izchil rivojlanib borayotgani, ayniqsa, Farg‘ona viloyati va Ulsan shahri o‘rtasidagi aloqalar bugun o‘zining amaliy samaralarini berayotganligi aytib o‘tildi.

Viloyat hokimi Farg‘ona shahrida amalga oshirilgan muhim loyihalardan biri – Ulsan shahri bilan hamkorlikda tashkil etilgan mutaxassislar tayyorlash markazini tamomlagan yoshlar Ulsanda muqim ish o‘rni bilan ta’minlangani, ularni xavfsizligi shaxsan shahar meri nazoratida ekanligi uchun minnatdorlik bildirdi. Bugun o‘tkazilgan vatandoshlar bilan uchrashuvda ham ularning yaratilgan sharoitlardan mamnun ekanligi ta’kidlandi.

Ulsan shahar hokimi Kim Du Gyom Farg‘ona viloyatiga amalga oshirilgan tashrif davomida o‘tkazilgan muzokaralar davomida erishilgan kelishuvlar doirasida amaliy ishlarga kirishilganligini qayd etdi. 

Ulsan universitetida dunyoning yirik oliy o‘quv yurtlari taklif etilgan festivalga Farg‘ona davlat texnika universiteti talabalari ham ishtirok etgani, bu ularning xalqaro oliy ta’limdagi ilg‘or tajribalarni o‘rganishda muhim qadam bo‘lganligi e’tirof etildi. 

Migratsiya sohasidagi ishlar ham yanada kuchaytirilishi ta’kidlandi. 

Bugun imzolangan bitim orqali ikki hudud o‘rtasida qonuniy hamkorlik yo‘lga qo‘yilgani mamnuniyat bilan qayd etildi. 

Viloyat hokimi birgalikda mustahkam aloqalarni barcha sohalarda yo‘lga qo‘yish, Ulsan sanoatini Farg‘onaga olib kirishda ko‘mak ko‘rsatilishiga ishonch bildirdi.