Farğоnа vilоyati hоkimligi

Tadbirda loyiha doirasida belgilangan vazifalar, hududlarni ko‘kalamzorlashtirish va ekologik muhitni yaxshilash borasida amalga oshirilayotgan ishlar, davlatimiz rahbari tomonidan ilgari surilayotgan ilg‘or tashabbuslar haqida to‘htalib o‘tildi.

Ma’lumotlarga ko‘ra, 2022–2026 yillarda viloyatda 73,4 million tup daraxt va buta ko‘chati ekildi. 140 gektar maydonda “yashil bog‘lar”, 170 gektarda “yashil jamoat parklari”, 48 gektarda esa “yashil belbog‘”lar tashkil etildi.

Quva tumanidagi “Karkidon” suv ombori hududiga iqlim sharoitiga mos 100 ming tupdan ziyod manzarali ko‘chat ekildi.

Joriy yil bahor mavsumida 6,6 million tup ko‘chat ekilib, belgilangan reja 117 foizga bajarildi. Kuzgi mavsumda Prezidentimizning tegishli farmoni ijrosi doirasida viloyat bo‘yicha 11,1 mln tup mevali daraxt va buta ko‘chati ekish rejalashtirilgan.

Jumladan, Qo‘shtepa tumanida 672,7 ming tup ko‘chat ekiladi. Bunda mahallalar, aholi tomorqalari, fermer xo‘jaliklari, ijtimoiy soha muassasalari va yo‘l bo‘ylarini ko‘kalamzorlashtirishga alohida e’tibor qaratiladi.

Aholiga qulaylik yaratish maqsadida viloyat bo‘yicha 102 ta ko‘chat yarmarkasi va savdo nuqtasini tashkil etish ham belgilangan.

Tadbirda so‘z olgan nuroniylar ham yashil hududlarni kengaytirish, daraxtlarni asrab-avaylash va kelajak avlod uchun sog‘lom ekologik muhit yaratishning ahamiyatini ta’kidladilar.

Duolar qilinib, boshlanayotgan ezgu ishlarga baraka va muvaffaqiyat tiladilar. Tadbir doirasida Markaziy Osiyo atrof-muhit va iqlim o‘zgarishini o‘rganish universitetiga (Green University) doimiy foydalanish huquqi bilan ajratilgan hududda dendrologiya va botanika bog‘ini tashkil etish ishlariga kirishildi.

“Yashil makon” umummilliy loyihasining kuzgi mavsumi barcha hududlarda qizg‘in davom etmoqda.