Farg‘onada mehmonxona biznesi va turizm sohasida yangi investitsiya loyihalari muhokama qilindi
2026-10-12 19:55:00 / Yangiliklar
“Le Park Concord Hotels & Resorts” Saudiya Arabistonining mehmonxona biznesida jadal rivojlanayotgan kompaniyalaridan biri hisoblanadi.
2015-yilda o‘zining ilk mehmonxonasini ochgan kompaniya bugungi kunda shahar markazlari va kurort hududlarida mehmonxonalar hamda xizmat ko‘rsatiladigan apartamentlarni boshqarish, xalqaro operatorlar bilan hamkorlikda mehmonxona brendlarini rivojlantirishga ixtisoslashgan.
Uchrashuvda Farg‘ona viloyatining turizm imkoniyatlari, mavjud infratuzilma va investorlar uchun yaratilgan sharoitlar haqida ma’lumot berildi.
Shuningdek, viloyatda zamonaviy mehmonxonalar qurish, ularni xalqaro standartlar asosida boshqarish hamda turizm infratuzilmasini rivojlantirishga qaratilgan istiqbolli investitsiya loyihalarini amalga oshirish imkoniyatlari ko‘rib chiqildi.
Tomonlar ushbu yo‘nalishlarda o‘zaro manfaatli hamkorlikni yo‘lga qo‘yish yuzasidan fikr almashdilar.