Farg‘ona viloyati va “Rosatom” o‘rtasida hamkorlikning yangi yo‘nalishlari belgilandi
2026-08-19 22:30:00 / Yangiliklar
Uchrashuvda o‘zaro hamkorlikni rivojlantirish, istiqbolli investitsiya loyihalarini amalga oshirish va ishlab chiqarishni mahalliylashtirish masalalariga e’tibor qaratildi.
Aleksey Dremuchev “Rosatom”ning atom energetikasi, mashinasozlik, yadroviy tibbiyot, energetika, raqamli texnologiyalar va yangi zamonaviy materiallar ishlab chiqarish kabi ko‘plab yo‘nalishlardagi faoliyati haqida ma’lumot berdi.
Muloqotda O‘zbekiston, xususan, Farg‘ona viloyatida qulay investitsiyaviy muhit va keng sanoat salohiyati mavjudligi qayd etildi.
Tibbiyot bo‘yicha pilot loyihani boshlash, shuningdek, yoqilg‘i-energetika, energiya saqlash, kompozit materiallar, kadrlar tayyorlash hamda transport-logistika sohalarida qo‘shma loyihalarni amalga oshirish imkoniyatlari ko‘rib chiqildi.
Viloyat hokimi o‘zaro manfaatli tashabbuslarni qo‘llab-quvvatlashga tayyor ekanini ta’kidladi.
Hamkorlikning ustuvor yo‘nalishlari bo‘yicha “Yo‘l xaritasi”ni ishlab chiqish va aniq reja asosida qo‘shma loyihalarni amalga oshirishga kelishib olindi.