Yoshlarni ilm olishi va kasb-hunar egallashlariga katta e’tibor qaratilmoqda
2026-08-17 19:05:00 / Yangiliklar
Xususan, faol va izlanuvchan Abdulboriy Bannopjonov tomonidan yo‘lga qo‘yilgan “Yuksalish” o‘quv markazi faoliyati ko‘zdan kechirildi.
300 million so‘mlik loyiha doirasida 8 ta yangi ish o‘rni yaratilgan bo‘lib, markazda 300 nafargacha yoshlar o‘qitilmoqda va ular orasida 20 nafari kam ta’minlangan oilalar farzandlari ham bor.
Markazda xorijiy tillar, sun’iy intellekt, mebelchilik va sartaroshlik kabi zamonaviy bilim va kasb-hunarlar o‘rgatilmoqda. Yoshlar uchun sport to‘garaklari ham tashkil etilgan. O‘quvchilar viloyat rahbariga o‘zlari tayyorlagan loyihalarni taqdim etdilar.
Viloyat hokimi yoshlarning ilmga qiziqishini oshirish, ularni zamonaviy bilim va kasblarga yo‘naltirish bilan birga, milliy an’ana va qadriyatlarga sadoqat ruhida tarbiyalash muhimligini ta’kidladi.
Shuningdek, viloyat hokimi mahalladagi “GENIUS LAND” nodavlat ta’lim muassasasi faoliyati bilan ham tanishdi. Ayni paytda maktabda 300 nafar 1–11-sinf o‘quvchilari tahsil olmoqda. Muassasada sport yo‘nalishida, xususan, kamondan o‘q otish bo‘yicha respublika chempionlari tarbiyalanayotgani qayd etildi. Bu yerda xorijiy tillar, robotatexnika va IT yo‘nalishlari o‘qitilib kelinmoqda.
Yangi 300 o‘rinli bino qurilishi yakunlangach, o‘quvchilar qamrovi va yangi ish o‘rinlari sonini oshirish imkoniyati yaratiladi.
Viloyat hokimi nodavlat ta’lim muassasalari faoliyatini qo‘llab-quvvatlash, sog‘lom raqobat muhitini kuchaytirish va ta’lim sifatini yanada oshirish yuzasidan mutasaddilarga tegishli topshiriq va ko‘rsatmalar berdi.