Quva tumani markazidagi ma’nan eskirgan uylar o‘rnida Renovatsiya dasturi asosida zamonaviy ko‘p qavatli uy-joylar qurilishi olib borilmoqda
2026-07-30 16:45:00 / Yangiliklar
Viloyat hokimi Xayrullo Bozorov “Gʻalaba” mahalla fuqarolar yig‘inida bu borada amalga oshirilayotgan ishlar jarayoni bilan yaqindan tanishdi.
Hozirgi kunda hududda 4 ta 8 qavatli turar joy binosining qurilish ishlari davom etmoqda. Dastur doirasida yana 9 ta eskirgan uy o‘rnida yangi zamonaviy turar joylar barpo etilishi rejalashtirilgan.
Viloyat rahbari qurilish ishlarining sifatiga alohida e’tibor qaratish, har bir obyektni puxta va shaharsozlik talablari asosida barpo etish yuzasidan mas’ullarga tegishli topshiriqlar berdi. Shuningdek, aholini munosib va shinam uy-joy bilan ta’minlash orqali ularning turmush farovonligi oshirish bosh maqsad ekanligi alohida ta’kidlandi.