Viloyat hokimi Xayrullo Bozorov Farg‘ona shahridagi Raqamli monitoring markazi faoliyati bilan tanishdi
2026-07-24 21:05:00 / Yangiliklar
Markazda sun’iy intellekt va zamonaviy raqamli texnologiyalar asosida shahar infratuzilmasini real vaqt rejimida monitoringini olib borish, aholi murojaatlarini tezkor qabul qilish va tahlil etish, shuningdek, boshqaruv qarorlari samaradorligini oshirishga xizmat qiluvchi tizimlar yo‘lga qo‘yilgan.
O‘rganish davomida bu yerdagi texnik imkoniyatlar, raqamli platformalar faoliyati hamda amalga oshirilayotgan ishlar haqida to‘xtalib o‘tildi.
Viloyat rahbari markaz faoliyatini takomillashtirish zarurligini ta’kidlab, raqamli yechimlarni keng joriy etish va xizmatlar sifatini zamon talablari darajasida amalga oshirish yuzasidan mas’ullarga tegishli topshiriqlar berdi.