Viloyat hokimi Xayrullo Bozorov Xitoyning “Beijing Goldenwater Information Technology Development Co., Ltd.” kompaniyasining O‘rta Osiyodagi vakili Fu Chjunkuyni qabul qildi.
2026-05-19 19:25:00 / Yangiliklar
Viloyat hokimi keyingi yillarda O‘zbekiston va Xitoy o‘rtasidagi munosabatlar jadal sur’atlarda rivojlanib, o‘zaro ishonch va amaliy hamkorlik mustahkamlanib borayotganini ta’kidladi. Bu esa yangi qo‘shma investitsiya loyihalarini amalga oshirish uchun keng imkoniyatlar yaratmoqda.
Muloqotda suv xo‘jaligi sohasi uchun taklif etilayotgan yangi loyihaning ham ahamiyati yuqori ekani alohida e’tirof etildi. Xususan, hududlarda mavjud suv muammolarini bartaraf etishda raqamli va intellektual texnologiyalardan foydalanish, shuningdek, mazkur tizimlar uchun zarur qurilmalarni ishlab chiqarishni yo‘lga qo‘yish taklifi ko‘rib chiqildi.
Viloyat rahbari bugungi kun talabidan kelib chiqib tashabbusni amaliy bosqichiga tezroq o‘tish muhimligini ta’kidlab, o‘zaro manfaatli hamkorlik uchun barcha sharoitlar yaratilishini bildirdi.
Uchrashuvda mas’ullar biriktirilib, aniq reja asosida pilot loyihani qisqa muddatlarda ishga tushirish zarurligi aytildi.
Shuningdek, muloqot davomida qishloq xo‘jaligi sohasida amalga oshirilayotgan ilg‘or innovatsion loyihalar yuzasidan ham atroflicha fikr almashildi.