Farg‘оnа vilоyati hоkimligi

Unda yetakchi ommaviy axborot vositalari vakillari, jamoatchilik faollari hamda blogerlar ishtirok etmoqda.

Press-tur ishtirokchilari O‘zbekiston Respublikasi Prezidenti Shavkat Mirziyoyevning joriy yil 27-28-aprel kunlari Farg‘ona viloyatiga tashrifi doirasida tanishgan yirik obyektlarda bo‘lib, hududda amalga oshirilayotgan bunyodkorlik ishlari, ijtimoiy-iqtisodiy loyihalar hamda yangilanish jarayonlarini ko‘zdan kechirishadi.

Dastlab Farg‘ona shahridagi IT-park majmuasida yaratilgan imkoniyatlar bilan tanishildi. Bu yerda frilanserlar va dasturchilar uchun zamonaviy kovorking muhiti, rezident kompaniyalar uchun to‘liq jihozlangan ofislar tashkil etilgan. Ta’lim, ishlab chiqarish va xizmat ko‘rsatish jarayonlari o‘zaro integratsiya qilingan holda yo‘lga qo‘yilgan bo‘lib, bu yoshlarning bandligini ta’minlash va barqaror daromad manbalarini shakllantirishga xizmat qilmoqda.

Kelgusida mazkur majmuada sun’iy intellekt texnologiyalari xabini tashkil etish, boshqaruv tizimlarini raqamlashtirish hamda IT-ta’limni yanada rivojlantirishga qaratilgan loyihalarni amalga oshirish rejalashtirilgan. Shuningdek, dasturlash, grafik dizayn, kompyuter savodxonligi va ingliz tili bo‘yicha zamonaviy o‘quv kurslarini yo‘lga qo‘yish ko‘zda tutilgan.

Press-tur qatnashchilari shuningdek, Investorlarga xizmat ko‘rsatish markazi — “Farg‘ona ekspo” xalqaro ko‘rgazmalar majmuasi faoliyati ham ko‘zdan kechirildi. Mazkur majmua viloyatning iqtisodiy salohiyatini keng namoyish etish, sanoat kooperatsiyasini rivojlantirish, eksport hajmini oshirish hamda investorlar uchun qulay ishbilarmonlik muhitini yaratishga qaratilgan.

Markazda yil davomida 15 ta asosiy tarmoq yo‘nalishi bo‘yicha doimiy ko‘rgazma va yarmarkalar tashkil etilgan bo‘lib, ularda hunarmandchilik, qurilish materiallari, elektrotexnika, mashinasozlik, to‘qimachilik, charm-poyabzal va zargarlik sohalari mahsulotlari namoyish etilmoqda. Shuningdek, alohida zallarda oziq-ovqat sanoati, ekologik transport, neft-gaz, mebelsozlik, farmasevtika hamda kimyo sanoati mahsulotlari taqdim etilgan.

Mazkur ikki yirik inshootda bo‘lgan jurnalistlar o‘z savollariga mas’ullardan javoblar olishdi.