Viloyat hokimi Xayrullo Bozorov Chexiyada bosh ofisi joylashgan “From Wild International s.r.o.” kompaniyasi ta’sischisi Denis Klepikovni qabul qildi
2026-04-23 20:00:00 / Yangiliklar
Investor o‘z kompaniyasi faoliyati, ayniqsa, quritilgan mevalarni qayta ishlash va tashqi bozorlarga chiqarish borasidagi tajribasi haqida ma’lumot berdi. U kompaniya mahsulotlari MDH davlatlari hamda Yevropa bozorlarida o‘z xaridorlariga ega ekanini ta’kidladi.
Uchrashuvda Rishton tumanida amalga oshirilayotgan dastlabki loyihalar, xususan, o‘rikni qayta ishlash va istiqboldagi hamkorlik jarayonlari ko‘rib chiqildi.
Shuningdek, Farg‘ona viloyatida mazkur yo‘nalishni rivojlantirish uchun keng imkoniyatlar, yuqori salohiyat mavjudligi qayd etildi. Sohaga ilmiy yondashuv va innovatsion texnologiyalarni joriy etish, malakali mutaxassislar tayyorlash masalalariga e’tibor qaratildi.
Uchrashuvda loyihani amalga oshirish chora-tadbirlari, hamkorlik masalalari kelishib olindi.