Iqtisodiyot sohasida sun’iy intellekt texnologiyalari keng tatbiq etilmoqda
2026-04-21 18:25:00 / Yangiliklar
Viloyat hokimligida viloyat hokimining birinchi o‘rinbosari Mirzohid Ubaydullayev hamda "Biznesni rivojlantirish banki" ATB boshqaruv raisi Saxi Annaklichev ishtirokida sun’iy intellekt orqali viloyat, shahar va tumanlarning iqtisodiy o‘sishi hamda rivojlanishini tahlil qilishga bag‘ishlangan seminar-trening tashkil etildi.
Mazkur seminarda shahar va tuman hokimlari, ularning birinchi o‘rinbosarlari, hokimlarning sun’iy intellekt bo‘yicha maslahatchilari hamda viloyat tijorat banklari rahbarlari ishtirok etdilar.
Uchrashuv davomida “Biznesni rivojlantirish banki” ATB tomonidan ishlab chiqilgan tahliliy taqdimotlar, yangi platforma va uning imkoniyatlari, shuningdek, “Dono AI” va “AI mahalla” kabi zamonaviy platformalar taqdimoti o‘tkazildi.
Tadbir ishtirokchilari o‘zlarini qiziqtirgan masalalar yuzasidan mutasaddilardan atroflicha javob oldilar. Takliflar bildirildi.
Seminar yakunida har bir hudud vakillari o‘z hududlarini sun’iy intellekt yordamida iqtisodiy tahlil qilish bo‘yicha zarur ko‘nikma va amaliy tavsiyalarga ega bo‘ldilar.