Rossiya Federatsiyasining Omsk viloyati gubernatori Vitaliy Xotsenko boshchiligidagi rasmiylar va tadbirkorlardan iborat delegatsiya Farg‘ona viloyatiga tashrifi doirasida hududning sanoat va iqtisodiy salohiyati bilan yaqindan tanishdi.
2026-04-18 18:25:00 / Yangiliklar
Mehmonlar zamonaviy ishlab chiqarish korxonalarida bo‘ldi, milliy mahsulotlar ko‘rgazmasi ko‘zdan kechirildi. Shuningdek, axborot texnologiyalari sohasini rivojlantirish borasidagi ishlar haqida ma’lumot berildi. Omsk viloyati ishbilarmonlari bilan hamkorlikda amalga oshirilayotgan loyiha bilan ham yaqindan tanishtirildi.
Delegatsiya a’zolari hududda yaratilgan qulay ishbilarmonlik muhiti, sanoat salohiyati va eksportbop mahsulotlar turiga yuqori baho berib, ikki tomonlama savdo-iqtisodiy aloqalarni yanada kengaytirish, yangi qo‘shma loyihalarni amalga oshirishga katta qiziqish bildirdilar.