Viloyat hokimi Xayrullo Bozorov “China Railway Construction Corporation” kompaniyasining xalqaro aloqalar bo‘yicha O‘zbekistondagi bosh vakili Sya Szyaminni qabul qildi
2026-04-08 21:00:00 / Yangiliklar
Uchrashuvda mazkur kompaniya tomonidan viloyatda qurilish sohasida istiqbolli loyihalarni amalga oshirish va ularga investitsiya kiritish masalalari muhokama qilindi.
Muloqotda kompaniya faoliyati haqida ma’lumot berildi. Shuningdek, Farg‘ona viloyatida turar joylar qurilishi, avtomobil yo‘llarini barpo etish, quyosh panellari, suv tozalash inshootlarini tashkil etish kabi qator yo‘nalishlarga investitsiya kiritish niyatida ekanliklari ma’lum qilindi.
Viloyat hokimi hududda qurilish sohasida yirik loyihalar amalga oshirilayotganini ta’kidlab, ilgari surilgan takliflar bo‘yicha o‘zaro manfaatli hamkorlik qilishga tayyorligini bildirdi.
Uchrashuv yakunida kompaniya vakillari mazkur yo‘nalishlardagi loyihalar bilan yaqindan tanishishi va kelgusidagi ishlarni jadallashtirish yuzasidan kelishib olindi.