Yekaterinburg shahrida O‘zbekiston Respublikasi Bosh konsulxonasi hamkorligida “O‘zbekiston va Ural o‘rtasida qurilish sohasida sheriklikni rivojlantirish” mavzusida davra suhbati bo‘lib o‘tdi
2026-04-07 20:20:00 / Yangiliklar
Mazkur davra suhbati ikki hudud o‘rtasidagi savdo-iqtisodiy aloqalarni yanada mustahkamlash, ayniqsa, investitsiya sohasida o‘zaro manfaatli hamkorlikni kengaytirishga qaratilgani bilan ahamiyat kasb etdi.
Tadbir doirasida Farg‘ona viloyatining iqtisodiy salohiyati, qulay investitsiya muhiti, mavjud sanoat zonalari, infratuzilma imkoniyatlari hamda istiqbolli investitsiya loyihalari taqdimoti o‘tkazildi. Shu bilan birga, qurilish materiallari ishlab chiqarish, zamonaviy uy-joylar va infratuzilma obyektlarini barpo etish yo‘nalishlarida xorijiy sheriklar bilan hamkorlik imkoniyatlari atroflicha yoritildi.
Uchrashuv davomida Ural mintaqasining yetakchi kompaniyalari vakillari bilan amaliy muzokaralar olib borilib, istiqbolli loyihalarni amalga oshirish, ilg‘or texnologiya va tajribalarni joriy etish, yangi investitsiya kelishuvlarini shakllantirish yuzasidan fikr almashildi.
Tomonlar mazkur yo‘nalishdagi hamkorlikni izchil davom ettirish, o‘zaro manfaatli loyihalarni kengaytirishga tayyor ekanliklarini bildirdilar.