Xususan, yangi avlod energiya uskunalari, jumladan generatorlar uchun butlovchi qismlar ishlab chiqarishga qaratilgan loyiha xususida fikr almashildi.

“SADAF ENERGY” kompaniyasi energetika sohasida faoliyat yuritib, energiya resurslarini ishlab chiqarish, qayta tiklanuvchi manbalar — xususan, quyosh va kichik gidroenergetikani rivojlantirish, shuningdek, sohadagi infratuzilmani modernizatsiya qilish ishlari bilan shug‘ullanadi.

Shu bilan birga, kompaniya investitsiyalarni jalb etish va loyihalarni amalga oshirish jarayonlarida ham faol ishtirok etmoqda.

“Yashil” energetika sohasida taklif etilayotgan yangi loyihani Farg‘ona shahridagi sanoat zonasida amalga oshirish rejalashtirilmoqda.

Viloyat hokimi istiqbolli loyihalar har tomonlama qo‘llab-quvvatlanishini bildirdi. Kelgusidagi hamkorlik bo‘yicha chora-tadbirlar belgilandi.