Farg‘onada “Markaziy Osiyo davlatlari va Ozarbayjon” do‘stlik forumi bo‘lib o‘tmoqda
2026-03-30 18:45:00 / Yangiliklar
Forum doirasida Farg‘ona shahridagi “Do‘stlik uyi”da O‘zbekistonda istiqomat qilayotgan turli millat va elatlarning madaniyati, san’ati hamda milliy qadriyatlarini targ‘ib etuvchi madaniy-ma’rifiy tadbir tashkil etildi.
Tadbir ishtirokchilari dastlab viloyatda faoliyat yuritayotgan sakkizta milliy madaniy markaz — tojik, qirg‘iz, turk, koreys, nemis, tatar, slavyan va yahudiy markazlari uchun ajratilgan maxsus xonalar bilan tanishdilar. Har bir markaz vakillari o‘z millatiga xos urf-odatlar, boy an’analar va madaniy merosni mahorat darslari hamda badiiy chiqishlar orqali namoyish etdilar.
Mazkur tadbir turli millat vakillari o‘rtasidagi do‘stlik va hamjihatlik muhitini yanada mustahkamlab, ularning bir oiladek ahil ekanligini yaqqol namoyon etdi.