Farg‘оnа vilоyati hоkimligi

Uchrashuvda zamonaviy qishloq xo‘jaligi texnologiyalarini joriy etish orqali yuqori hosildorlikka erishishga qaratilgan istiqbolli loyiha muhokama qilindi.

Viloyat rahbari viloyatimizda turkiyalik investorlar soni ortib borayotganini ta’kidlab, manfaatli tashabbuslar doimiy ravishda qo‘llab-quvvatlanishini bildirdi.

Turk kompaniyasi tomonidan mikroko‘katlar yetishtirishga ixtisoslashgan innovatsion loyiha taqdim etildi. Ushbu tashabbus doirasida zamonaviy vertikal ferma texnologiyalarini joriy etish, ya’ni yopiq binolarda ko‘p qavatli usulda, tuproqsiz — gidroponika orqali mahsulot yetishtirish tizimini yo‘lga qo‘yish rejalashtirilgan.

Loyihada qurilish, jihozlash, dasturiy ta’minot bilan ta’minlash hamda obyektlarni to‘liq ishga tushirish xizmatlari qamrab olinadi. Kelgusida Farg‘ona viloyatida ushbu agrotexnologiyalarni ishlab chiqarishni yo‘lga qo‘yish, oliy ta’lim muassasalari, jumladan, Farg‘ona davlat texnika universiteti bilan hamkorlikda yoshlarni o‘qitish va mahalliy mutaxassislar tayyorlash ishlarini amalga oshirish ko‘zda tutilgan.

Muloqotda mazkur loyihani bosqichma bosqich amalga oshirish, shuningdek, turkiyalik investorlarni viloyatga yanada keng jalb etish, yangi yo‘nalishlarda ham o‘zaro manfaatli hamkorlikni rivojlantirish bo‘yicha kelishib olindi.